लेखांक-24

लेखांक-2⃣4⃣

💢 *स्वअभ्यास*

इ.10 वी-विज्ञान भाग 2

प्रकरण 2: *सजीवांतील जीवनप्रक्रिया भाग-1*

★★★★★★★★★

*आजचा स्वाध्याय*: 

1) टीप लिहा: मेद (Lipids)

2) या पोस्टसोबत दिलेला 'व्हिटॅमिन तक्ता' माहितीसाठी तुमच्या वहीत उतरवून घ्या. 

★★★★★★★★★★★

प्रिय 

विद्यार्थी मित्रानो

आज तुमच्या एक गीत लिहीत आहे. त्रुटी असतील तरी समजून घ्या.

*व्हिटॅमिन गीत*

मी आहे 'अ' जीवनसत्व

रेटिनॉल हे माझे मूलतत्व

डोळे जरी जुलमी गडे

ते माझ्यामुळेच उघडे

रोगजंतूंचे रोखून संक्रमण

मी करतो डोळ्यांचे रक्षण

मला भले गाजराची पुंगी म्हणा

पण माझ्या अभावी रातांधळेपणा

आम्ही 'ब' जीवनसत्व समूह,

आहारातून नका करू रिमूव्ह!

आहे मोठे कुटुंब आमचे

पण अस्थिर जल विद्रव्यांचे

चयापचय अन DNA ला 

ऊर्जा देतो आम्ही मेंदूला

1,2,3,4,5,6,7,8,9,10,

आणि 11,12

बेरिबेरी, पेलाग्रा, पांडुरोगाला

करा बरा. 

मला म्हणतात 'क' जीवनसत्व

अस्कॉरबीक आम्ल माझे मूलतत्व

कोलॅजीन तंतूंमुळे

मी तुमच्या जखमा भरतो,

हिरड्या अन दातांचे

रक्षण करतो, 

केसांची चमक 

माझ्या अभावी जाईल

मला टाळाल तर

स्कर्व्ही होईल!

मी सुर्यप्रकाशातून येतो

तुमच्या त्वचेला कांती देतो

मजबूत करतो दात अन हाडे

कोवळ्या उन्हात रहा उघडे!

मैत्री माझ्याशी करा गाढ अन्यथा

होईल मुडदूस, खुंटेल वाढ

कॅलसिफेरॉलचा माझे तत्व

मला म्हणतात 'ड' जीवनसत्व 

वांझपणा टाळण्यासाठी

चिर तरुण दिसण्यासाठी

अँटी ऑक्सिडंट मी

नाव माझे व्हिटॅमिन 'इ'

मला म्हणतात जीवनसत्व 'के'

तुमच्या शरीराला ठेवतो ओके

रक्ताची गुठळी करून 

टाळतो जीवावरचे धोके

जरा विचार करा क्षणभर

आम्ही लागतो कणभर

पण आमची महती मणभर 

आम्हाला टाळून तुम्हा कसे 

लाभेल सुख आयुष्यभर?

आम्ही आहोत तुमच्या

आरोग्याचे रक्षक पक्के

जीवनसत्व 'अ' ते 'के'

रचना ....✍

श्रीशैल मठपती, कोल्हापूर 

(9922242470)

■■■

...✍

*श्रीशैल मठपती,* कोल्हापूर

💢Ⓜ💢Ⓜ💢Ⓜ